Að glæpnum slepptum, hvernig ?

Eftir því sem mér skilst, er þetta hryllingshús, í þéttbýli og mér er spurn, hvernig í ósköpunum fór þessi "maður" að því að útbúa þetta allt saman ? og það án þess að nokkur vissi. Hann hefur varla smíðað og útbúið þetta einn, svo allt efnið, níðþunga, hljóðeinangraða hurðin ? og allar hinar hurðirnar, ásamt öllum innréttingum.

Varð virkilega enginn var við allt þetta umstang ? Mér finnst þetta með þvílíkum ólíkindum, að það hálfa væri nóg.  Allt er þetta svo fyrirfram skipulagt hjá þessu ómenni, hvað með aðföng, mat, föt og þess háttar, varð enginn var við það heldur ? Það er óskiljanlegt, að ómennið hafi komist upp með þetta, svona lengi.

 

Fimm læstar hurðir lokuðu kjallara Fritzl

Athugasemdir

[Þórhildur (IP-tala skráð) 1.5.2008 kl. 21:02]

Hann hefur ábyggilega verið með þetta planað í lengri tíma og verið búinn að útbúa þetta svona áður en hann lokaði dóttur sína þarna niðri. Það kemur ekkert annað til greina. Það kom fram í einhverri fréttinni að til þess að vekja ekki grunsemdir þá hafi hann farið til nærliggjandi bæja til að kaupa í matinn fyrir þau. Tók sem sagt ekki þá áhættu að versla i matinn þar sem fólk þekkti hann.

[Dexxa (IP-tala skráð) 2.5.2008 kl. 11:02]

Það sem ég efast mest um er að konan hans segist ekkert hafa vitað eða grunað.. Hún hefur þá verið of kúguð til að viðurkenna það fyrir sjálfri sér.. hvað þá öðrum..